Projekti “Drejt Malit”, i organizuar nga Federata e Sportit Shkollor e Kosovës, u realizua me sukses në Brezovicë, ku pjesëmarrëse ishte edhe shkolla jonë me vajzat dhe djemtë fitues në futsall nga klasat VI dhe VII.
Gjatë qëndrimit 6-ditor në Brezovicë, nxënësit patën mundësinë të mësojnë skijimin me instruktorë profesionalë, si dhe nën përkujdesjen dhe përkrahjen e mësimdhënësve tanë, Besa Begu dhe Emin Baliqi.
Përveç trajnimeve në ski, nxënësit tanë morën pjesë edhe në aktivitete të ndryshme në kuadër të komunës, duke arritur rezultate të shkëlqyera:
• 
Omer Abrashi – Vendi i parë në ski
• 
Shah – Vendi i parë
• 
Pingpong – Vendi i dytë
• 
Art, recitim dhe këndim – Vendi i tretë
Ky projekt ishte një përvojë e jashtëzakonshme sportive, edukative dhe sociale për nxënësit tanë, duke forcuar jo vetëm aftësitë e tyre sportive, por edhe bashkëpunimin, disiplinën dhe frymën garuese.
Urime të gjithë nxënësve për përfaqësimin dinjitoz të shkollës sonë! 
