Projekt – Vizitë në Muzeun “Reporting House”

Projekt – Vizitë në Muzeun “Reporting House”

Klasat: 7, 8, 9

Prof.: Shpresa Shala

Vizita në muzeun Reporting House ishte një përvojë që na preku zemrën dhe na hapi sytë.

Çdo fotografi dhe objekt na foli për dhimbjen, guximin dhe shpresën e një populli që nuk u dorëzua kurrë.

Pikat për secilën foto / objekt

1) Mineralet dhe gurët e Trepçës

Pasuri natyrore që u kthye në simbol të qëndresës.

Gurët e Trepçës tregojnë punën e rëndë dhe sakrificën e minatorëve për jetesë dhe dinjitet.

2) Protesta e grave me bukë (1998)

Bukë për jetë, guxim për shpresë.

Solidaritet që sfidoi frikën.

3) Protesta e grave me fletë të bardha

Heshtje që flet për paqe dhe liri.

Zë i pastër kundër dhunës.

4) Kolltuku i punuar nga plumba dhe bomba

Lufta e kthyer në kujtesë.

Objekt që na kujton çmimin e lirisë.

Arsimi në vitet 1990–1999

Nxënësit mësuan në shtëpi private, bodrume, garazhe dhe dhoma të vogla, pa kushte, por me shumë vullnet.

Mësuesit sakrifikuan rrogën, sigurinë dhe kohën e tyre për të mos e lënë arsimin të shuhet.

Familjet hapën dyert e shtëpive për t’i kthyer në klasa mësimi.

Arsimi u bë rezistencë paqësore dhe shpresë për të ardhmen.

Në kohë lufte, plumbat shkatërruan shtëpi, por nuk arritën ta shkatërrojnë dijen.

Në bodrume u mësua, në shtëpi private u rrit shpresa.

Mineralet e Trepçës janë pasuri e tokës sonë,

por sakrifica e mësuesve dhe guximi i nxënësve

janë pasuria më e madhe e këtij vendi.

Kjo histori na kujton se arsimi është forma më e bukur e rezistencës dhe paqes.